Прыгоды на Масленіцу

1 сакавіка  рабяты, якія адпачываюць  у аздараўленчым лагеры “Баравічок”,  адсвяткавалі Масленіцу разам з музеем.

Рабяты, праходзячы квэст, пазнаёміліся з днямі Масленічнага тыдня, кожны з якіх  прапаноўваў ім новыя задачы і гульні:  наведаліся ў  млын і атрымалі ад млынара муку, завіталі ў госці да Бабы-Ягі, павесялілі гаспадыню і атрымалі ад яе  яйкі, затым адваявалі  малако і масла –  усё, што трэба для прыгатавання галоўных масленічных прысмакаў.  Але і пасля гэтага гульня не скончылася: рабяты  знайшлі чучала Масленіцы, вадзілі карагод і частаваліся смачнымі салодкімі блінамі.