Гісторыя медыцыны на Дзятлаўшчыне

Автор: Webmaster · 4 сентября, 2020

Гісторыя медыцыны на Дзятлаўшчыне

(заканчэнне)

Гісторыя развіцця клініка-дыягностыкай лабараторыі неадрыўна звязана са станаўленнем Дзятлаўскай бальніцы і нязменным кіраўніком КДЛ, яе загадчыцай Пуйто Л.І., якая скончыла біялагічны факультэт БДУ з адзнакай і ўзначальвала КДЛ з 1982 г.

Да 1977 г. лабараторыя знаходзілася ў будынку старой паліклінікі (цяпер інтэрнат для супрацоўнікаў Дзятлаўскай ЦРБ) і займала ўсяго два невялікія кабінеты. Затым, калі была пабудавана новая паліклініка (1977 год), яе перанеслі на другі паверх новага будынка; лабараторыя ўжо займала чатыры кабінеты: біяхімічны, два кабінеты КДЛ і кабінет сералогіі і ізасералогіі.

З таго часу шмат што змянілася ў КДЛ. З 1993 лабараторыя пераехала ў новы будынак бальніцы, павялічылася колькасць лабарантаў. Праца КДЛ арганізавана ў планавым і экстраным парадку.

Магчымасці новай лабараторыі дазваляюць выконваць шырокі спектр даследаванняў. Даследаванні праводзяцца на біяхімічным аналізатары BS-300, Clima MC-15, Solar-рм2111. Выконваюцца даследаванні гемастазу (МНА, АЧТВ, фібрынаген, Д-дымеры). Дыягностыка інфаркту міякарда, вызначэнне якаснага і колькаснага трапаніну, вугляводнага абмену, пігментнага абмену, вызначэнне халестэрыну, ЛПВП, ЛПНП, трыгліцерыдаў; агульны аналіз крыві вызначаецца аўтаматычным аналізатарам крыві МЕК – 7222К. Робіцца таксама агульны аналіз мачы, ацэнка хуткасці клубочкавай фільтрацыі, даследаванне макроты, транссудата і экссудата. Вызначэнне груп крыві і рэзус-фактару, вызначэнне антырэзусных антыцелаў, вызначэнне РПГА, РМП.

Набыццё сучаснага прыбора i-CHROMA-tm READER дазволіла ўкараніць найноўшыя тест- сістэмы:

– вымярэнне канцэнтрацыі гармону картызолу;

– тырэастымулюючага гармона TSH;

– тыраксіну (Т4) у чалавечай сыроватцы;

– вымярэнне канцэнтрацыі міяглабіну;

–сардэчнага ізафермента крэатынкіназы МВ (СК-МВ) у чалавечай сыроватцы;

– вызначэнне ПСА – анкамаркеры прадсталёвай залозы.

Дзейнасць УАЗ «Дзятлаўская ЦРБ” накіравана на выкананне нарматыўных дакументаў Міністэрства аховы здароўя Рэспублікі Беларусь, а таксама мерапрыемстваў, закладзеных у дзяржаўную праграму “Здароўе народа і дэмаграфічная бяспека Рэспублікі Беларусь”

Сёння лячэбная сетка ўстановы прадстаўлена стацыянарамі на 216 ложкаў і амбулаторнай службай на 545 наведванняў у змену. У раёне працуюць цэнтральная раённая бальніца на 186 ложкаў з раённай паліклінікай на 300 наведванняў у змену, Казлоўшчынская гарадская бальніца з паліклінікай, Новаяльнянская гарадская бальніца з паліклінікай, Гезгалаўская бальніца сястрынскага догляду. Па агульнаўрачэбным прынцыпе медыцынскую дапамогу аказваюць 4 амбулаторыі ўрача агульнай практыкі. Функцыянуюць 20 фельчарска-акушэрскіх пунктаў.

Штогод паляпшаецца матэрыяльна-тэхнічная база ўстаноў аховы здароўя Дзятлаўскага раёна, набываецца новае медыцынскае абсталяванне.

За апошнія гады ў раённай сістэме аховы здароўя вельмі шмат станоўчых змен. Перш за ўсё гэта мадэрнізацыя рэнтгенкабінета з мантажом новага абсталявання, якое дазволіла знізіць прамянёвую нагрузку на тых, хто абследуецца, новы апарат выдае больш якасныя здымкі.

Дзятлаўскай ЦРБ набыта дыягнастычнае абсталяванне: апараты маніторынгу артэрыяльнага ціску, якія адсочваюць стан пацыента на працягу сутак; з’явіліся новыя дэфібрылятары для хуткай дапамогі, пульсаксіметры, інгалятары лекавых сродкаў, лабараторнае абсталяванне.

У раённай установе аховы здароўя з красавіка 2018 года ўстаноўлены новы ультрагукавы сканар, які дазваляе з высокай дакладнасцю праводзіць дыягностыку розных органаў і сістэм арганізма.

Праводзяцца бягучыя рамонты, мадэрнізацыя падраздзяленняў. Працягваецца работа па правядзенні інфарматызацыі галіны. За кошт бюджэтных сродкаў набываюцца камп’ютары і прынтары. У раённай паліклініцы функцыянуе лакальная камп’ютарная сетка, падключана праграма “Электронны рэцэпт”. Можна запісацца на прыём да спецыялістаў раённай паліклінікі пры дапамозе электроннага рэгістратура, які знаходзіцца на сайце ўстановы.

Вядзецца тэлекансультаванне з абласнымі спецыялістамі.

Праца ў сферы аховы здароўя – гэта пастаянная сувязь з людзьмі, таму на базе метадычнага кабінета працуюць гарачыя тэлефонныя лініі.

Забяспечанасць брыгадамі хуткай дапамогі ў Дзятлаўскім раёне складае 100%.

Па выніках дзейнасці ў 2017 годзе сярод устаноў аховы здароўя раённага ўзроўню з колькасцю насельніцтва ў раёне да 30 тысяч чалавек Дзятлаўская ЦРБ ўзнагароджана Дыпломам I ступені галоўнага ўпраўлення аховы здароўя Гродзенскага аблвыканкама ў штогадовым абласным аглядзе якасці і культуры медыцынскага абслугоўвання насельніцтва.

Штогод на працу прыходзяць маладыя спецыялісты з сярэдняй і вышэйшай медыцынскай адукацыяй. Праца з імі накіравана на тое, каб усе яны замацаваліся і засталіся працаваць у сістэме аховы здароўя Дзятлаўшчыны. Таксама маладым спецыялістам даюць жытло. Ёсць у бальніцы свая добрая традыцыя: ушаноўваць маладых спецыялістаў і пасвячаць іх у прафесію ва ўрачыстай абстаноўцы.

Галоўныя ўрачы УАЗ «Дзятлаўская ЦРБ”